Web infantil

A praza ten unha torre, a torre ten un balcón, o balcón ten unha dama, a dama unha branca flor. Pasou un cabaleiro -quen sabe por que pasou!- e levouse a praza, coa súa torre e o seu balcón, co seu balcón e a súa dama sa súa dama e a súa branca flor.
Antonio Machado

Os teus debuxos

Mira os dibus que nos enviaron os nosos amigos!

Se queres participar no noso club de artistas amigos da policía, un pouco máis abaixo explicámosche como.

Ver galeria do club de artistas

Ponlles cor

  1. Elixe un dos debuxos que che mostramos a continuación.
  2. Imprímeo e coloréalo o mellor que poidas.
  3. Unha vez que o terminaras, se queres que o publiquemos na web, segue as instrucións.

Como envialos?

  1. Feixe un debuxo en tamaño A4 (210 mm × 297 mm) dun tema relacionado coa Policía Nacional. Por exemplo, podes facer un debuxo no que apareza un can da Unidade de Guías Caninos, un cabalo da Unidade de Cabalería, un Policía patrullando nun radiopatrulla, etc... Usa a túa imaxinación.
  2. Escanéao ou faille unha foto, se non sabes ou es moi pequeno pídelle axuda aos teus pais. Iso si, que o ficheiro non supere os 300 Kb.
  3. Pídelle aos teus pais que nos envíen o arquivo por correo electrónico a webdgp@policia.es, indicando o teu nome, apelidos e idade, se queres que o poñamos no pé da foto. Tamén debes incluír un teléfono de contacto.
  4. Cando o recibamos e comprobemos que o contido é correcto, publicarémolo na nosa web e enviarémosche un correo comunicándocho.
  5. O feito de mandar o debuxo da forma indicada, co nome e a idade, implica que os teus pais aceptan que se publique na nosa web.

Consellos

Na internet

  • Se es menor de idade, antes de abrir un perfil nunha rede social, dillo aos teus pais. É mellor que o saiban.
  • Se xa tes un perfil nunha rede social, non aceptes a todo o que queira ser amigo teu. Acepta só a quen coñeces. Detrás dun "nome" pode haber alguén que quizais só quere prexudicarche.
  • Estaría ben que lle preguntes aos teus amigos se lles importa que publiques fotos nas que aparecen eles. E se che piden que quites as súas fotos é mellor respectalos e retiralas.
  • Publica as túas fotos e contidos só para os teus amigos. En ocasións poden caer en mans de persoas que as utilicen para facervos dano.
  • Se alguén che ameaza ou che pide cousas que a tí non che gustan, deberías expulsalo inmediatamente do teu perfil e comentarllo aos teus pais canto antes. É máis fácil solucionar un problema cando acaba de empezar que cando se fixo máis grande.
  • Non uses a webcam sen pensar; acéndea só cando esteas seguro de que falas cun amigo. Como seguramente xa saibas, da webcam pódese facer un " pantallazo" e a persoa coa que chateas gardarse a túa imaxe para usala cando queira.
  • Non publiques fotos das que logo che poidas avergoñar. Ten en conta que esas "imaxes" poden chegar a moita xente na internet.
  • por último, utiliza un contrasinal difícil de adiviñar, incluíndo algún número e signo de puntuación, pero sobre todo non a compartas con ninguén. O teu perfil é teu e de ninguén máis.

No teu día a día

  • Desconfía dos adultos que non coñeces, sobre todo se se mostran excesivamente amables e próximos para facerse amigos teus.
  • Confía nos teus pais e profesores para contarlles calquera problema que teñas.
  • Se ves que nos arredores do cole consómense drogas ou alcol, cóntallo aos teus pais, profesores ou á Policía; todos están para axudarche.
  • De casa ao cole non te entreteñas polo camiño, procura ir con amigos.
  • Non subas nunca ao coche dun descoñecido.
  • Se tes teléfono móbil, procura levalo sempre contigo aínda que no colexio téñalo apagado. Se che pasa algo, avisa aos teus pais, aos pais dos teus amigos ou á Policía.

No cole

  • Informa os teus profesores de todo aquilo que vexas ou haxas visto que pasou a outro compañeiro/a e que non che gustaría que che fixesen a ti, cóntallo a quen pode axudarche (os teus profesores, os teus pais ou a Policía). Os problemas non se solucionan sós.
  • Se te sentes ameazado/a ou ofendido/a por calquera tipo de nota, pintada ou comentario no colexio, cóntallo aos teus profesores.
  • Se te sentes discriminado/a ou ridiculizado/a por outros compañeiros, dillo aos teus profesores.
  • Se no recinto do colexio atopas pintadas con expresións violentas ou ameazantes dillo aos teus profesores.

Navega de forma segura, faiche ciberexpert@

Cando se trata de protexer aos nenos, moitas veces os adultos non sabemos moi ben como actuar. Tan negativo é ser demasiado prohibitivo como permisivo, por iso, para achegar unha maior educación dixital ás familias, nace o programa Ciberexpert@ s, creado pola Unidade de Participación Cidadá da Policía Nacional, co apoio de Telefónica e Fundación Cibervoluntarios.

www.ciberexperto.org Abre nova xanela. Ligazón externa.