Sala de prensa

A investigación iniciouse o pasado mes de xuño tras unha comunicación do Arquivo Xeral do Palacio, a través do Ministerio de Cultura, na que informaban que, nunha coñecida sala de poxas de Barcelona, íase a poxar tres documentos históricos pertencentes ás Coleccións Reais de Patrimonio Nacional que constaban como desaparecidos do Arquivo Xeral de Palacio: un Real Decreto do emperador Felipe II datado en 1600 e dous libretos do funeral de Carlos V e María Tudor en Bruxelas, de 1559.

A investigación policial permitiu identificar á persoa posuidora dos documentos que ían ser poxados, manifestando que era anticuario e que non era el o propietario, facilitando a identidade desta persoa. Unha vez que se interviñeron os documentos de forma cautelar e tras contactar co propietario, residente en Valladolid, comunicou que formaban parte dunha herdanza familiar do seu pai e ao ser coñecedor da súa orixe puxo de manifesto o seu desexo de que fosen traspasados de forma voluntaria a Patrimonio Nacional.

Posteriormente, os investigadores tiveron coñecemento de que no mesmo expediente do que desapareceran os documentos recuperados faltarían outro cinco por localizar. Estes estarían en poder da familia propietaria dunha libraría anticuaria de Madrid. Tras conversacións por parte dos axentes con esta familia, doaron voluntariamente o cinco documentos sendo estes: un decreto autógrafo de Felipe IV de 1621, un decreto marxinal de Felipe III de 1621, un decreto de Felipe IV de 1633, unha carta do tenente de alcaide da Casa de Campo de 1621 e unha consulta do secretario da Xunta de Obras e Bosques de 1631.

Actualmente todos estes documentos xa foron entregados e incorporáronse aos fondos do Arquivo Xeral do Palacio situado no Palacio Real en Madrid.