Operación conxunta da Policía Nacional e os Mossos d’Esquadra

Detidos 17 afeccionados que protagonizaron unha rifa tumultuaria antes dun partido de fútbol

Os arrestados participaron –presuntamente- nun enfrontamento violento ocorrido o pasado 23 de xuño de 2024 na localidade de Cornellá de Llobregat, previo ao partido de fútbol entre o RCD Espanyol e o Real Oviedo

Durante o enfrontamento, os implicados propináronse agresións físicas mutuas e lanzaron cadeiras e botellas dos establecementos próximos causando feridas de diversa consideración

A investigación contou coa colaboración de LALIGA, quen se ha personado no proceso xudicial como acusación

08/10/24

Axentes da Policía Nacional, nunha operación conxunta cos Mossos d’Esquadra, procederon á detención de 17 afeccionados que, presuntamente, protagonizaron enfrontamentos violentos o pasado 23 de xuño con motivo do partido de fútbol entre o RCD Espanyol e o Real Oviedo. A algúns dos arrestados atribúenselles delitos de desordes públicas e rifa tumultuaria.

Dezaseis detidos e doce investigados

As  detencións, realizadas no día de onte, practicáronse en distintas poboacións catalás (12) e na cidade de Oviedo (5). Ademais dos arrestados hai doce investigados. Non se descarta que se practiquen máis detencións xa que a operación mantense aberta en distintes localidades.

Os feitos investigados producíronse ao redor das 17:00 horas do pasado 23 de xuño, cando tivo lugar unha rifa tumultuaria no paseo dos Ferrocarrils da localidade de Cornellà de Llobregat (Barcelona) entre membros das dúas afeccións. Os afeccionados radicais  do Real Oviedo atopábanse na praza da Sardana do citado municipio e durante o seu percorrido polo paseo dos Ferrocarrils, en dirección ao estadio, atopáronse de maneira casual con afeccionados do RCD Espanyol. Na liorta utilizáronse todo tipo de obxectos contundentes e mobiliario como botellas, cadeiras, vasos ou copas.

As agresións estendéronse polos arredores afectando á zona do centro comecial próximo, onde había outras persoas non vinculados á asistencia ao partido de fútbol. Como consecuencia destes altercados, algúns dos participantes resultaron feridos, destacando pola súa gravidade un afeccionado do Real Oviedo, con rotura de peroné e unha brecha na cabeza. Outras persoas tamén lesionadas descartaron ser atendidas polos servizos médicos para evitar a súa identificación. Doutra banda, tamén se produciron danos de diversa consideración no mobiliario dos bares da zona.

Tras a correspondente investigación policial, conxunta entre a Policía Nacional e os  Mossos d'Esquadra, logrouse identificar a gran parte dos implicados na rifa tumultuaria.

A investigación foi dirixida polo Xulgado de Instrución número Tres de Cornellà de Llobregat (Barcelona). Durante a mañá de hoxe pasaron a disposición do Xulgado de Instrución número Uno de Oviedo cinco dos detidos, decretando o seu titular para todos eles a medida cautelar de afastamento do estadio Novo Carlos Tartiere de Oviedo durante o día completo no que se celebren partidos de fútbol do Real Oviedo.

Tolerancia Cero no deporte

Esta operación enmárcase dentro das investigacións que realizan as Forzas e Corpos de Seguridade para loitar contra a Violencia no Deporte, deixando patente o compromiso das entidades públicas e privadas coa “Tolerancia Cero no Deporte”. A investigación contou coa colaboración de LALIGA quen se ha personado como acusación particular no proceso xudicial.

 

Últimas novidades