Detidos dous membros dun grupo especializado en roubar caixas fortes de hoteis en diferentes puntos da Unión Europea
En España atribúeselles 14 roubos con forza na cidade de Barcelona e dúas en Alacante
Os detidos forzaban as caixas fortes, facendo un buraco no lateral para romper os pistones das caixas. Os roubos producíronse en distintos hoteis, e os autores conseguiron roubar máis de 50.000 euros e varias xoias
A investigación realizouse en coordinación con EUROPOL xa que este grupo criminal operaba, ademais de en España, en Alemaña, Portugal, Austria e República Checa
14/07/23
Axentes da Policía Nacional, nunha operación conxunta cos Mossos d’Esquadra, detiveron a dous membros dun grupo especializado en roubar caixas fortes de hoteis en diferentes puntos da Unión Europea. En España atribúeselles 14 roubos con forza na cidade de Barcelona e dúas en Alacante. Os detidos forzaban as caixas fortes, facendo un buraco no lateral para romper os pistones das caixas. Os roubos producíronse en distintos hoteis, e os autores conseguiron roubar máis de 50.000 euros e varias xoias. A investigación realizouse en coordinación con EUROPOL xa que este grupo criminal, ademais de en España, en Alemaña, Portugal, Austria e República Checa.Nunha entrada e rexistro efectuada nun domicilio o 4 de xullo en Vilajoiosa (Alacante) interveuse un Kit para entrar en habitacións e para abrir as caixas fortes, 1.000 € en efectivo, xoias posiblemente subtraídas, cartóns de hoteis e diferentes pezas que levaban no momento dos feitos. Tamén se interveu un vehículo.
Os autores lograban acceder ás habitacións dos hoteis sen deixar rastro algún. Unha vez no interior, forzaban a caixa forte facendo unha perforación no lateral da mesma, á altura dos pistones, para rompelos e liberar así o mecanismo de peche da porta da caixa. Cando estaba aberta, levaban o diñeiro e as xoias que os clientes do hotel deixaran, pero non os pasaportes ou outros documentos persoais.
Entraban nos hoteis haciendose pasar por clientes
Os detidos entraban no hotel facéndose pasar por clientes e buscaban posibles vítimas que saían da súa habitación, para acceder ao interior e roubar os obxectos que depositaban nas caixas fortes.
Nalgunha ocasión chegaran a aloxarse no hotel a noite anterior para facer control dos diferentes clientes que se aloxaban nas habitacións e escoller así a quen crían que podían ter diñeiro en efectivo gardado nas caixas fortes.
Durante a investigación celebrouse unha reunión operativa con outros países europeos (Europol) para cruzar datos de intelixencia que serviron para situar e ao final deter aos investigados. Os detidos tiñan unha alta mobilidade por todo o territorio europeo, e algunhas das persoas que colaboraran con eles están ingresadas en prisión en distintos países de Europa (Austria e Portugal). Este grupo criminal operaba, ademais de en España, en Alemaña, Portugal, Austria e a República Checa.
Ambas as persoas detidas ingresaron en prisión tras pasar a disposición xudicial. A investigación segue aberta e non se descarta a detención dalgunha persoa máis.
Últimas novidades
-
A Policía Nacional detén en Tarragona a un fugitivo reclamado por Países Baixos por abusar sexualmente dunha menor de idade
28/08/24
-
Desmantelado un laboratorio de produción de cocaína instalado baixo unha praza de touros nun predio de La Puebla de Montalbán
25/08/24
-
Intervidos 4.200 quilos de óxido nitroso ou “gas da risa” en tres operacións en Málaga
22/08/24
-
Desarticulada unha organización criminal dedicada á introdución de cocaína oculta en caixas de piñas
21/08/24